Poetry Collection "~" BaRish"~"

Frndz here u can share with us your poetry at


"BaRish"


so now Let start . . . ..





~*~Kal halki halki barish thi~*~



Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal badal kalay gehray thay

Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
KAL YAAD BOHUT TUM AYE THAY

Woh Kagaz ki Kashti..Woh Baarish ka Pani


ye daulat bhii le lo, ye shoharat bhii le lo
bhale chhiin lo mujhase merii javaanii
magar mujhako lautaa do bachapan kaa saavan
vo kaagaz kii kashtii, vo baarish kaa paanii

muhalle kii sabase nishaanii puraanii
vo budhiyaa jise bachche kahate the naanii
vo naanii kii baaton mein pariyon kaa deraa
vo chahare kii jhuriryon mein sadiyon kaa pheraa
bhulaae nahiin bhuul sakataa hai koi
vo chhotii sii raaten vo lambii kahaanii

kadii dhuup mein apane ghar se nikalanaa
vo chidiyaa vo bulabul vo titalii pakadanaa
vo gudiyaa kii shaadii mein ladanaa jhagadanaa
vo jhuulon se giranaa vo gir ke sambhalanaa
vo piital ke chhallon ke pyaare se tohafe
vo tuutii hui chuudiyon kii nishaanii

kabhii ret ke unche tiilon pe jaanaa
gharaunde banaanaa banaake mitaanaa
vo maasuum chahat kii tasviir apanii
vo kvaabon khilaunon kii jaagiir apanii
na duniyaa kaa gam thaa na rishton ke bandhan
badii khuubasuurat thii vo zindagaanii

Barish.......

Barish!
Tu jab band kawaron aur dilon per dastak deti hai
Sari baaten keh janey ko dil karta hai...
Terey sath hi beh janey ko dil karta hai!!!!

جو بارش کی تمنا ہے ، تو ان آنکھوں میں آ بیٹھو

وہ برسوں میں کہیں برسیں ، یہ برسوں سے برستی ہیں

Ghum ki baarish ne bhi teray naqsh ko dhoya nahi
Tu ne ne mujh ko kho diya, mein ne tujhay khoya nahi

Neend ka halka gulaabi sa khumaar ankhon mein tha
yun laga jaisay woh shab ko dairr tak soya nahi tha

Har taraf deewar o dar aur unn mein ankhon k hujoom
Keh sakay jo dil ki halat woh lab giya nahi

Juram ADAM ne kiya aur nasal e adam ko saza
Kat-ta hon zindagi bhar mein ne jo boya nahi

Janta hon aik aisay shakhs ko mein bhi *MUNIR*
Ghum se pathar hogeya lakin kabhie roya nahi

Ajh jab barish hui
Yeh bhi aik khiyal aaya

kiun na aik badal ko
Razdaan banaoon main

Jo bi mujh pe guzri hae
Ous ko sab sunaoon main

Tum say jo kehna hai
Ous ko sab sunaaon main

Phir tumhare Dil pe
Ajh he barass jaye

Kisi din tez barish main
Agar tum bheeg jao to
Agar barish k ye qatray
Tumhari zulf ko chu kar
Tumharay gaalon ko chumen
Agar barish k pani say
Agar thandi hawaon say
Kisi purzor jhonkay say
Meri jan jhoom jao to
Mujhy tum yaad kar lena
Agar khwahish ho aisay main
Koi sathi ho bahon main
Jo chheray zulf ko teri
Teray rukhsar ko choomay
Tu jhoomay us ki bahon main
Teri bahon main wo jhoomay
Mujhy tum yaad kar lena……

Nice thread brother,

Meri taraf say share yeh ha

Barisho say dosti achi nahi faraz
Kucha tera makan hay kuch tu khayal kur

thanks bhai . . .

but i need more

ok, bhai w8 until 2mro

AANKHON KI RIM JHIM KA

suna hoga bohat tum ne ….
kahiN aankhoN ki rim jhim ka
kahin palkoN ki shabnam ka…
parha hoga bohat tumne ….
kahiN lehjay ki barish ka
kahiN sagar ke aansoo ka…
magar tum ne kabhi humdam …
kahin daikhay? kahin parkhay?
kisi tehreer ke aansoo??…!!
mujhe teri judaai ne …
yehi mairaaj bakhshi hai…
ke main jo lafz likhta hooN …
woh saray lafz rotay hain
ke main jo harf bunta hooN …
woh saray bain kartay hain
mere sang is judaai main …
mere alfaz martay hain
sabhi tareef kartay hain …
meri tehreer ki lekin..
kabhi koi nahin sunta …
mere alfaz ki siski…
falak bhi jo hila daalay..
mere lafzoN main hain shamil …
usi taseer ke aansoo…
kabhi daikho mere humdam…
meri tehreer ke aansoo..!!!

very nice ...

thanks for sharing